प्रदेश नं.१ समन्यव परिषद कतारले गर्यो भब्य कार्यक्रम (फोटो फिचर)

केहि समय पहिले दोहामा स्थापित प्रदेश नं.१ समन्यव परिषद कतारले आज Winter Outdoor Festival -2019 कार्यक्रम भब्य रुपमा सफल पारेको छ l दोहा शहर देखि लगभग ५० किलोमिटर टाढा रहेको मिसैद स्थित अम्वाज ग्लोबल भिलेजमा सस्थाका अध्यक्ष चुडामणि कार्कीको सभापतित्व तथा गायक सम्भु राइको प्रमुख आतिथ्यतामा उक्त कार्यक्रम समपन्न भएको हो l

 कार्यक्रममा बिभिन्न खेलहरुलाई समेत समेटिएको थियो जस अन्तर्गत म्युजिकल चियर मुख्य आकर्षण बन्यो जसमा  दर्जन भन्दा बढी प्रतियोगीले सहभागिता जनाएका थिए खेलमा तृतीय एलिना कार्की, दोस्रो टीका दुलाल र सृजा खतिवडा प्रथम भएकी थिइन l हाडी फुटाइ खेलमा तृतीय स्थानमा टीका चौलागाईं रहिन भने दोस्रो नवराज पौडेल सहित चिरिन्जिवी तिमिल्सिना प्रथम भएका थिए l त्यस्तै फुट्बलमा समन्वय परिषदले नेतृत्व गरेको टिम बिजेता भएको थियो l

कार्यक्रममा नेपाल बाट पाल्नु भएका चर्चित लोक गायिका अन्जु गौतमले  झुम्के मायालु, धरान ढनकुटा,जता हेरेपनि हजुर पुर्बै रमाइलो, जस्ता चर्चित गीत पस्केर दर्शकको मन जितिन l त्यस्तै गायक सम्भु राईले आफना तिमिले बिर्सेनि लाखै छ,थुन्चेको भारी बिसाउदै, हिउँ जस्तै गोरि हिमालकि छोरि,चिठ्ठी तिम्लाइ लेखु भन्छु लगायातका आफना हिट गित हरुले दर्शकलाइ मन्त्र मुग्ध पार्दै जुरुक्क उचालेका थिए l कार्यक्रममा कविहरुले कबिता बाचन गरेका थिए भने स्थानीय कलाकारहरुले आफनो/आफनो  साँगितिक प्रस्तुति दिएका थिए भने कौरा, हुर्रा नाचले दर्शकको मन जितेको थियो l

उक्त कार्यक्रममा दोहा कतारमा स्थापति सम्पूर्ण सङ्घ सस्थाको तर्फबाट NRNA QATAR का अध्यक्ष नबिन पोखरेलले सुभकामना मन्तब्य राखेका थिए भने कार्यक्रमका सभापति कार्कीले जनवरी २०१९ बाट  सन्चालनमा आएको ईस्टर्न होल्डिंग्स कम्पनीमा लगानी गर्न आह्वान गरेका थिए l  उक्त कार्यक्रममा बिभिन्न स्टल समेत राखिएको थियो भने कार्यक्रममा ‘’समृद्दी सपना : सम्भावना र चुनौती” विषयक प्यानल संवाद वहस समेत गरिएको थियो । (भिडियो तल हेर्नुस)